أحذر من طرق النصب الجديدة على الواتساب والتليجرام

انتشارا خلال الاونة الاخيرة طريقة جديدة للنصب والاستيلاء على أموال االمستخدمين وذلك عبر تطبيق المراسلات الواتساب والتليجرام ، ووفقا لما تم نشره من معلومات عن هذا الموضوع الذي لابد من إلقاء الضوء عليه من أجل تخوي الحذر من هذه الشبكة الاحتيالية والتي تعمل على استيلاء أموال الأشخاص بطريقة مبتكرة وجديدة .

وأفاد الكثير من المستخدمين عبر منصة فيسبوك عن تعرضهم لعمليات نصب وسرقة أموالهم بطريقة احتيالية عن طريق عدة مواقع مثل SP shop و aismartbits وAIMERCHANT بالإضافة إلى وجود العديد من مواقع أخرى .

وحسبما أفاد به بعض المستخدمين الذين تعرضوا للنصب  ووقعوا في فخ هذه الشبكة الاحتيالية أنها تبدء في اصطياد الأشخاص عبر تطبيق تليجرام وذلك عن طريق ارسال لهم رسالة من رقم هندي أو إندونيسي مجهول الهوية والأغلب بتكون الرسالة دي باللغة الإنجليزية و يدعي هذا الشخص أنه من شركة تابعة للدعايا و التسويق و ‏يعرض علي المستخدم شغل أونلاين ممكن تعمله من تليفونك وده جنب شغلك و الأمر مش هيكلفك أى حاجة وشغل عبارة عن إنك هتعمل لايك لفيديو على الإنستجرام أو اليوتيوب و تبعت سكرين شوت بالكلام دا .

طرق النصب الجديدة علي تطبيق الواتساب والتليجرام

و مع كل لايك هتعمله هتاخد 20 جنية و ممكن يحققلك من 1000 ل 1500 جنية واكتر من كده فاليوم فطبعا اي شخص هيقول و مالو نجرب و نشوف مش هنخسر حاجة طلما فلووس ببلاش مجرد لما بتوافق بيبعتلك 2 لينك لفديوهين عشان تعملهم لايك و تبعت السكرين شوت كتجربة ليك وعلشان تثق أن الكلام بجد بعدين بيقولك أنت كدا ليك 40 جنية .

و يطلب بعدها منك تضيف شخص على تطبيق Telegram وبيبعتلك اللينك بتاعو و هو هيتابع معاك عشان يصرفلك فلوسك .

طبعا هتضغط على اللينك وتضيف الشخص دا على ال Telegram و هيقولك إعمل متابعة للجروب ده على تيلجرام علشان تتابع المهمات اللي جايه وإبعت السكرين شوت عشان يبقى المبلغ 60 جنية .

و يعرف يحولك الفلوس بعدها بيطلب منك الإسم و رقم المحفظة الإلكترونية عشان يحولك الفلوس و فعلا بيحولك ال 60 جنية .

طبعا اكيد انت هتبدأ تقول دا الموضوع شكلو حلو و ممكن نعمل منه فلوس حلوة و أهو أدينا بنسلى وقتنا و 60 على ال 60 يعملو مبلغ . 

لكن في الحقيقة الموضوع غير كده طبعا دي خطة ذكية في منتهة الذكاء علشان تجيب زبون لازم تديلو الامان زي ماهو حصل كدة بظبط .

ال Channel او الجروب اللى انت دخلت فيه على ال Telegram بينزلو فيها الTasks يعني مهمات اللى بتنزل كل 20 دقيقة و طبعا بتبقى إنك تتفرج على فديو و تعمل لايك و تبعت السكرين شوت و تبدأ تجمع فلوس و تقول الدنيا هتضحكلك و فعلا كل ما تكمل 60 جنية يعنى 3 Task يحولك الفلوس .

ولكن شوف الخطة الذكية بين كل 3 Task قصدي مهمات بيدخل نوع جديد من ال Tasks و هو Investment Task و دا عبارة عن إنك تعمل إيداع بمبلغ بسيط يبدا من 300 جنية مثلا و نسبة الربح علية هتبقى 30% بعد ما تعمل Task برضة بسيط كدا في الاول وده بيكون لازم تعمل من 1-3 مهمات كحد اقصى علشان تعرف تسحب الفلوس .

اكيد طبعا فالأول هتقول لأ مش هحط فلوس من معايا أنا أية اللى يخلينى أعمل كدا وأنا كدا كدا بيطلعلى 20 جنية من كل لايك بعملو فمش لازم أعمل كدا أنا مش ضامن المهم هو بيبدأ يقلل الفلوس اللى بقت بتطلع على كل تاسك يخليها 10 جنية و بعدين 5 جنية عشان أنت مش بتشارك فى ال Investment Task هيبدأ يقنعك ان الموضوع مضمون 100% وسهل والزن على الودان امر من السحر فتبدأ تقول ما نجرب دول 300 جنية مش هنخسر كتير و أهو أنا كدا كدا بكسب من وراهم و فعلا تشارك بالمبلغ دا عن طريق إنك بتقولوهم عايز أشترك و يبعتولك رقم محفظة إلكترونية تحول علية ال 300 جنية وتبعتلهم اسكرين شوت برسالة التحويل بعدين يطلب منك تسجل فى موقع معين تبعهم زي SP shop او aismartbits اوAIMERCHANT .

وبعدين تعمل مهمة انك تشتري منتج معين وبعدين تطلب انك تسترد الفلوس وفعلا الفلوس بتستردها وبترجع في حسابك على الموقع وبعدين يقولك استني اشوف في مهمة تانية وفعلا فالاول بس بتكون في مهمة تانية بمبلغ اقل و بتعمل كذا خطوة بسيطة كدا و فعلا بتخلص كل دا و بيحولك الفلوس تانى بفايدة 30% يعنى ال 300 جنية بقو 390 فى أقل من 10 دقايق .

بعدين هترجع تكمل Tasks المشاهدات و اللايك و تقول ما نجرب تانى ب 300ج تانيين و أهو الموضوع طلع حلو وموثق بس للاسف هنا هتدخل في المستوى اللي بعده اللي هو ب 1000ج و برضة مكسب 30% يعني هتاخدهم 1300 جنيه .

هتقول في بالك و مالو ما هى جابت مرة و برضة مش هنخسر كتير و تدخل و فعلا يخليك تحط 1000ج  و بعدين يقولك في مهمة تانية اقل حاجه 800ج و عليهم ربح 30% يعنى هيبقو 1040 يعنى الإجمالى 2340 هتوافق وهتقول مالو مش هنخسر كتير و تحول فلوسك و فعلا يرجعولك الفلوس بالربح 2340 هتبدا تحصلك حالة من الجنون وتكمل في المهمات .

وتدخل على مهمة ال Investment Task يقولك هنا اقل حاجه 5000ج وهيبقى عليهم ربح 60% يعنى هيبقو 8000 هتقول تمام و يلا نكمل مااحنا كسبنا قبل كدا كذا مرة و الدنيا أمان هتحول المبلغ وتعمل المهمة بعدين يقولك في مهمة تانية كمان اقل حاجة ب 8000ج بنسبة ربح 60% وبعدين تقول ماله نجرب بعدين تدخل في المهمة رقم 3 باقل مبلغ 15000ج بنسبة ربح 60% .

و يقولك كمان مرة عايزين فلوس أكتر عشان تاخد دول و دول بالربح بتاعهم علشان مهمة السحب اللي هي اقل حاجه مبلغ 20000ج فتبدأ تقولوهم مش معايا يقولك لازم تكمل يا هتخسر اللى حطيتة فتبدأ تحاول تتصرف و تحط اللى مطلوب عشان تكمل و تاخد فلوسك و بالربح تبدأ بقى هنا النصباية ويبدأ يدخلك في دوامة وبقى إنك كل ما تحط يقولك هات تانى و مبالغ رهيبة بقى تصل الى ٤٠ ألف و ٦٠ ألف و أكتر .

و يقولك المرحلة دى و هتاخد فلوسك و أنت على أمل إنك تاخد اللى حطيتة بالأرباح الرهيبة دى أو حتى تكمل عشان بس تاخد اللى دفعتة و يفضل يطلب أكتر و أكتر و أكتر كذا مرة و أنت تحاول تتصرف و تستلف و تداين عشان بس عايز ترجع فلوسك بس حتى من غير الأرباح ولكن هنا للأسف مفيش حاجة هترجع .

و خلاص هتقولو مش معايا هيقولك لو مكملتش المطلوب هتخسر كلة و فعلا مش هيبقى قدامك غير حل من الاتنين يا تكمل سلف و تتصرف على أمل إنهم صادقين و ترجع فلوسك يا إما تستسلم و تضيع كل حاجة و فعلا بيكونو نصبو عليك و خدو كل اللى تملكه و أنت لا حول لك و لا قوة الأيام الاخيرة دي ناااس كتير وقعو للاسف في هذا الفخ .

من شركات كتير زي شركة Uipath Aismartbit و للأسف فى كذا حد بلغ بأسامى مختلفة غير الإسم دا زى Poloniex و أسامى تانية كتير كلة شغال بنفس الطريق اليومين دول و ناس كتير أوى إتنصب عليهم واتعرضو للنصب بمبالغ تصل الى 200000 جنيه .

ارجوا من الجميع مشاركة الموضوع بشكل واسع حتى يأخذ الجميع حذروه من هذه الشبكة الاحتالية وحتى لا يقع احد في هذا الفخ .